Մարտի 2-ից Լիբանանին հասցված իսրայելական հարվածների զոհերի թիվը գերազանցել է 1 422-ը, հայտնում է ՏԱՍՍ-ը՝ հղում անելով հանրապետության առողջապահության նախարարությանը։

«Մարտի 2-ին ռազմական էսկալացիայի սկզբից ի վեր սպանված քաղաքացիների ընդհանուր թիվը գերազանցել է 1,422-ը, վիրավորների թիվը՝ 4,294-ը։ Իսրայելական ավիահարվածների զոհ են դարձել 1,203 տղամարդ, 126 երեխա և 93 կին։ Լիբանանի հարավային շրջանների վրա իսրայելական ռազմաօդային ուժերի հարձակումների հետևանքով մեկ օրում առնվազն 54 մարդ է զոհվել, ևս 156-ը՝ վիրավորվել»,- գրված է հաղորդագրության մեջ։