Ցանկություն չունեմ Փաշինյանին հանդիպելու, հանդիպեմ ի՞նչ ասեմ սուտ ասելով ման են գալիս ժողովրդի գլխի տակ փափուկ բարձ դնում, ժողովուրդն էլ սուս արած ով ինչ ասում է հավատում են։ Այս մասին այսօր` մարտի 14-ին, NEWS.am-ի հետ զրույցում ասաց Սիսանի բնակիչը։
«Մեր վիճակը լավ չի, աշխատանք չկա, ոչ մի բանից չենք կարողանում օգտվել, միս չենք առնում, ձուն դարձել է 80 դրամ, երիտասարդները լավ չեն ապրում։ Խի՞ են թոշակը նոր բարձրացրել, թող թոշակը 70-80 հազար դարձնեն, որ ժողովուրդը կարողանա յոլա գնա։ Ու՞ր ա իրենց բերած խաղաղությունը, թուրքն եկել, 4 կողմս նստել է, փաստը ցույց է տալիս, որ խաղաղություն չկա»,– հավելեց բնակիչը։
Հիշեցնենք, որ Քաղաքացիական պայմանագիր կուսակցությունը այսօր՝ մարտի 14-ին, ներկուսակցական քարոզարշավի շրջանակներում այցելել է Սյունիքի մարզ։
