Իրանի արտաքին գործերի նախարար Աբաս Արաղչին Եվրոպական միությանը (ԵՄ) կոչ է արել փոխել Իրանի նկատմամբ իր «ապակառուցողական մոտեցումը», հայտնում է Mehr-ը։
Արաղչին այս մասին հայտարարել է ուրբաթ երեկոյան Կիպրոսի արտգործնախարար Կոնստանտինոս Կոմբոսի հետ ունեցած հեռախոսազրույցի ընթացքում։
Կիպրոսի արտգործնախարարը ողջունել է Թեհրանի և Վաշինգտոնի միջև միջուկային բանակցությունների վերսկսումը՝ հայտնելով իր երկրի պատրաստակամությունը՝ բանակցային գործընթացին նպաստելու համար։ Իրանցի նախարարն իր հերթին Եվրոպական միությանը (ԵՄ) կոչ է արել փոխել Իրանի նկատմամբ «ապակառուցողական մոտեցումը», ներառյալ՝ վերջերս Իսլամական հեղափոխության պահապանների կորպուսի (ԻՀՊԿ) ներառումը «սև ցուցակում», ինչպես նաև «դաշինքի անտեղի անտարբերությունը Գազայում սիոնիստական ռեժիմի իրականացրած ցեղասպանության և տարածաշրջանում ռեժիմի կողմից իրականացված այլ հանցագործությունների նկատմամբ»։ Արաղչին նաև տեղեկացրել է իր կիպրացի գործընկերոջը միջուկային խնդրի և խիստ պատժամիջոցների չեղարկման շուրջ ԱՄՆ-ի հետ վերջերս վերսկսված բանակցությունների մասին։
