Հայաստանի վարչապետ Նիկոլ Փաշինյանը ռազմավարական սխալ է գործել՝ սառեցնելով ՀԱՊԿ անդամությունը, ՌԻԱ ՆՈՎՈՍՏԻ գործակալությանը տված հարցազրույցում ասել է Ռուսաստանի հայերի միության նախագահ Արա Աբրահամյանը:
«Հակամարտության ամենաթեժ պահին նա դուրս է գալիս (սառեցնում է) ՀԱՊԿ-ից: Դա նորմալ չէ: Նա ամեն ինչ արեց, որ այդպես ստացվի: Դա հարց է, որը մենք պետք է քննարկենք»,- ասել է Աբրահամյանը:
Ըստ Աբրահամյանի, Հայկական սփյուռքի իրավունքներն ամբողջ աշխարհում սահմանափակել են և ձայնից զրկել:ՀՀ քաղաքացիները, քվեարկությանը մասնակցելու համար, պետք է անպայման Հայաստան գնան: Նույնիսկ Մոլդովայի պես երկիրը ընտրությունների համար Ռուսաստանում քվեաթերթիկներ էր տրամադրել իր քաղաքացիների համար:
«Իսկ մենք քվեարկելու իրավունքից զրկված ենք: ԵԹե ցանկանում ենք քվեարկել, անպայման պետք է տոմս գնենք, գնաք Հայաստան և այնտեղ քվեարկենք: Դա Հայաստանի քաղաքացիների իրավունքների խախտում է»,- ասել է Աբրահամյանը:
Զրույցի ժամանակ, պատասխանելով Ադրբեջանի պահանջով ՀՀ Սահմանադրության փոփոխության վերաբերյալ հարցին, Ռուսաստանի հայերի միության նախագահը ասել է, որ ի դեմս Նիկոլ Փաշինյանի, Թուրքիայի և Ադրբեջանի նախագահները գտել են մեկին, ով պատրաստ է ամեն ինչ հանձնել:
«Ալիևը և Էրդողանը լավ գիտեն, որ այդպիսի մարդ (Հայաստանի ղեկավար) այլևս չի գտնվի, որ կատարի իրենց յուրաքանչյուր պահանջը: Այդ պատճառով էլ մինչև վերջ «բարձում են», որպեսզի հանձնի: Եվ նա կանի այդ, թեև մեզ ոչնչի մասին տեղյակ չեն պահում»,- ասել է Աբրահամյանը:
Նա նշել է, որ Փաշինյանի ներկայացրած «խաղաղուրթյունը» չի կարող գոյություն ունենալ, որովհետև նրա վարած հայ-ադրբեջանական կարգավորևման բանակցություններում Հայաստանը կզիջի է բոլոր ռազմավարական օբյեկտները և կհայտնվի ադրբեջանական շրջափակման մեջ, ստիպված կլինի ընդունել Ադրբեջանին անհրաժեշտ օրենքներ: Այդպիսի խաղաղության դեպքում Հայաստանը ոչ մի իրավունք չի ունենա, կլինեն միյան պարտականություններ: Եթե ընտրություններից հետո Նիկոլ Փաշինյանը մնա վարչապետ, ապա դա կդառնա Հայաստանի պատմության ամենամեծ ողբերգությունը՝ Ցեղասպանությունից հետո:
«Իհարկե, Փաշինյանը մտավախություն ունի, որ եկեղեցին կարող է միավորել հայերին և ասել. «մի քվեարկեք նրա օգտին»: Եկեղեցին հասկանում է, որ նրա օգտին քվեարկել չի կարելի: Դա լինելու է հայ ժողովրդի ամենամեծ ողբերգությունը՝ Ցեղասպանությունից հետո»,- ասել է Արա Աբրահամյանը:
Նա ավելացրել է, որ Փաշինյանը պետք է համարձակություն ունենա և հայտարարի, որ հրաժարական է տալիս:
Խոսելով այն մասին, թե արդյոք այդպիսի սցենար հնարավոր է՝ Արա Աբրահամյանը նկատել է. «Երբեմն հրաշք լինում է: Կարող է հայ ժաղովրդի համար էլ այդպիսի հրաշք լինել»
