Հայտնի TNT Sports պորտալը հրապարակել է 2025 թվականի «Ոսկե գնդակի» հիմնական հավակնորդների նոր վարկանիշային աղյուսակը՝ հուլիսի կեսերի դրությամբ։
ՊՍԺ-ի պորտուգալացի կիսապաշտպան Վիտինյան, որը գլխավորում էր հունիսյան թարմացումը՝ փարիզցիների հետ նվաճելով ոսկե թրեբլ և Պորտուգալիայի հավաքականի հետ՝ Ազգերի լիգան, նահանջել է 2-րդ տեղ։
Փարիզյան գրանդի ֆրանսիացի հարձակվող Ուսման Դեմբելեն, որը երկար ժամանակ գլխավորում էր այս վարկանիշը, այժմ իջել է 4-րդ հորիզոնական։ Այս պահին վարկանիշային աղյուսակը գլխավորում է «Բարսելոնայի» իսպանացի հարձակվող Լամին Յամալը։
TNT Sports-ի վարկածով 2025 թվականի «Ոսկե գնդակի» թոփ 10 հավակնորդներն են՝
- Լամին Յամալ – «Բարսելոնա»
- Վիտինյա – ՊՍԺ
- Քոուլ Պալմեր – «Չելսի»
- Ուսման Դեմբելե – ՊՍԺ
- Ռաֆինյա – «Բարսելոնա»
- Նունու Մենդեշ – ՊՍԺ
- Աշրաֆ Հակիմի – ՊՍԺ
- Մոհամեդ Սալահ – «Լիվերպուլ»
- Ջանլուիջի Դոնարումա – ՊՍԺ
- Կիլիան Մբապե – «Ռեալ Մադրիդ»
