Հնդկական բանակը հարվածներ է հասցրել Պակիստանի ռադարներին և հակաօդային պաշտպանության համակարգերին՝ ի պատասխան մայիսի 8-ի գիշերը տեղի ունեցած հարձակման։ Այս մասին հայտնում է Հնդկաստանի պաշտպանության նախարարությունը, գրում է ТАСС-ը։
Հնդկաստանի ռազմական գերատեսչությունը հայտնել է նաև, որ հնդկական բանակը Պակիստանի Լահոր քաղաքում ոչնչացրել է հակաօդային պաշտպանության համակարգ։
«Այսօր առավոտյան Հնդկաստանի զինված ուժերը հարձակվել են ռադարների և հակաօդային պաշտպանության համակարգերի վրա Պակիստանի մի քանի վայրերում: Հնդկական զորքերը պատասխանել են նույն ուղղությամբ և նույն ինտենսիվությամբ, ինչ Պակիստանը», - ասվում է հրատարակության մեջ:
Հնդկաստանի պաշտպանության նախարարությունը հավելել է, որ Պակիստանի Լահորում հակաօդային պաշտպանության համակարգը վնասազերծվել է։ Հնդկաստանի պաշտպանության նախարարությունը հավելել է, որ հարվածներն իրականացվել են՝ ի պատասխան մայիսի 7-ի՝ լույս 8-ի գիշերը Հնդկաստանի հյուսիսում և արևմտյան մի շարք ռազմական օբյեկտների վրա անօդաչու թռչող սարքերի և հրթիռների միջոցով հարձակվելու Պակիստանի փորձին։
Հնդկաստանի պաշտպանության նախարարության տվյալներով՝ դրանք բոլորը չեզոքացվել են ինտեգրված հակադրոնային համակարգի և հակաօդային պաշտպանության համակարգերի միջոցով։
աղբյուրը՝ lurer.com
