Հունիսի 16-ին՝ ժամը 15․50-ի սահմաններում,
Արարատի մարզի Սուրենավան գյուղում իրար են բախվել «ՎԱԶ-2121» և «Տոյոտա Լանդ Քրուիզեր»
մակնիշի ավտոմեքենաներ, ինչի հետևանքով «ՎԱԶ-2121» մակնիշի ավտոմեքենայում գտնված
14-ամյա պատանին, ինչպես և «Տոյոտա Լանդ Քրուիզեր» մակնիշի ավտոմեքենայում գտնված
23 և 24-ամյա անձինք տեղափոխվել են տարբեր բժշկական կենտրոններ։
Երեխայի առողջական վիճակի մասին տեղեկություններ իմանալու նպատկով
Vesti.am-ը կապ հաստատեց «Սուրբ Աստվածամայր»
բկ-ի հետ։
Երեխան ունի զուգակցված վնասվածքներ, դիմային ոսկորների կոտրվածքներ,
գլխուղեղի սալջարդ, ողերի կոտրվածքներ, կոնքի ոսկրերի կոտրվածներ, որովայնի սալջարդ:
«Վիրահատվել է, կատարվել է անհրաժեշտ բժշկական բոլոր միջամտությունները:
Վիճակը գնահատվում է ծայրահեղ ծանր, գտնվում է վերակենդանացման բաժանմունքում:
Երեխան գտնվում է բժիշկների հսկողության տակ»,-ասաց մամլո քարտուղար
Գևորգ Դերզյանը:
