ԱՄՆ Կոնգրեսի Ներկայացուցիչների պալատի դեմոկրատ անդամ Իլհան Օմարը հարձակման է ենթարկվել Մինեապոլիսում կայացած հանրահավաքի ժամանակ։ Տղամարդը, որի ինքնությունը պարզվել է, հեղուկ է ցողել Օմարի ուղղությամբ։ Այդ մասին տեղեկացնում է «Արմենպրես»-ը՝ վկայակոչելով Euronews-ը։
Հանցագործը ձերբակալվել է: Օմարն ինքը չի տուժել և շարունակել է շփվել ընտրողների հետ՝ հայտարարելով, որ չի տրվի սպառնալիքներին: Հարձակումը տեղի է ունեցել այն ժամանակ, երբ Օմարը կոչ էր արել վերացնել ԱՄՆ-ի ներգաղթի և մաքսային ծառայությունը՝ առաջարկելով հրաժարական տալ նախարար Քրիստի Նոեմին։
Օմարը ԱՄՆ-ի նախագահ Դոնալդ Թրամփի և նրա կոշտ հակամիգրացիոն միջոցառումների խիստ քննադատն է։ Թրամփը հաճախակի բախումներ է ունեցել Մինեսոտայում Դեմոկրատական կուսակցության պաշտոնյաների հետ, իսկ Օմարը հաճախ է եղել նախագահի անձնական հարձակումների թիրախը։
Կոնգրեսականի վրա հարձակումից առաջ, Թրամփը Այովայում լսարանին ասել է, որ Միացյալ Նահանգներ ներգաղթողները պետք է ցույց տան, որ կարող են սիրել երկիրը, հպարտանալ դրանով՝ ոչ թե վարվեն Իլհան Օմարի նման։
2019 թվականին Օմարը դարձավ ԱՄՆ-ի Կոնգրեսում ընտրված և սոմալիական ծագում ունեցող առաջին ամերիկացի կին կոնգրեսականը։
