Ֆինլանդիան Ռուսաստանի հետ սահմանին գրեթե 140 կիլոմետր երկարությամբ արգելապատնեշ է կառուցել. ընդհանուր առմամբ պլանավորվում է արգելապատնեշի երկարությունը հասցնել 200 կիլոմետրի։
«Արմենպրես»-ի փոխանցմամբ՝ ինչպես հայտնում է տարածաշրջանային հրատարակությունների Uutissuomalainen խումբը, նախատեսվում է նախագիծն ավարտին հասցնել մինչև հաջորդ տարվա ամառ։
Ֆինլանդիայի սահմանապահ ծառայության տվյալներով՝ արգելապատնեշի բարձրությունը 4,5 մետր է, որից մոտավորապես մեկ մետրը կազմում է փշալարը։ Արգելապատնեշի մի մասը գետնի տակ է։
Ֆինլանդիայի և Ռուսաստանի միջև սահմանը փակ է ֆիննական իշխանությունների որոշմամբ՝ մինչև հետագա ծանուցում:
Ֆինլանդիայի և Ռուսաստանի սահմանն ընդհանուր առմամբ 1300 կիլոմետր է։
