ԱՄՆ նախագահ Դոնալդ Թրամփը Truth Socialսոցիալական ցանցում դիմել է հայրենակիցներին՝ կոչ անելով զանգահարել Սենատում դեմոկրատների առաջնորդ Չակ Շումերի գրասենյակ՝ պահանջելով վերսկսել կառավարության աշխատանքը։
ԱՄՆ նախագահը հատկապես վրդովված է եղել կառավարության շաթդաունի ընթացքում աղքատներին նպաստների վճարման հետ կապված անորոշ իրավիճակով։
«Մեր կառավարության իրավաբանները չեն կարծում, որ մենք իրավական լիազորություններ ունենք SNAP-ը մեր ունեցած գումարներով վճարելու համար և այժմ երկու դատարաններ հակասական որոշումներ են կայացրել այն մասին, թե ինչ կարող ենք և ինչ չենք կարող անել։ Ես չեմ ուզում, որ ամերիկացիները քաղցած մնան միայն այն պատճառով, որ արմատական դեմոկրատները հրաժարվում են ճիշտ բան անել և վերաբացել կառավարությունը։
Ուստի ես հանձնարարել եմ մեր իրավաբաններին հնարավորինս շուտ դիմել Դատարանին՝ խնդրելով պարզաբանել, թե ինչպես կարող ենք օրինական կերպով ֆինանսավորել SNAP-ը։ Այս ամենն առանց այդ էլ բավականաչափ ձգձգվել է այն պատճառով, որ դեմոկրատները կառավարությունը փակ են պահում մինչև ամսական վճարման ժամկետի ավարտը և նույնիսկ եթե մենք անհապաղ ցուցումներ ստանանք,ցավոք, այն կուշանա, մինչև նահանգներին գումարներ փոխանցելը։
Եթե Դատարանը մեզ տրամադրի համապատասխան իրավական ցուցում, իմ համար պատիվ կլինի ֆինանսավորումը ապահովելը, ճիշտ այնպես, ինչպես ես արել եմ զինվորականների և իրավապահ մարմինների աշխատակիցների աշխատավարձերի դեպքում։ Դեմոկրատները պետք է դադարեցնեն այս ֆարսը, որով նրանք վնասում են մարդկանց՝ ելնելով իրենց քաղաքական դրդապատճառներից և անհապաղ վերսկսեն աշխատանքը։ Եթե դուք օգտվում եք SNAP-ի արտոնություններից, զանգահարեք Սենատի դեմոկրատներին և խնդրեք նրանց վերսկսել կառավարության աշխատանքը», — գրել է Թրամփը՝ հրապարակելով դեմոկրատների գրասենյակի հեռախոսահամարը։
Ավելի վաղ ԱՄՆ-ի երկու տարբեր դատարաններ որոշում էին կայացրել պարենային նպաստների դադարեցման հարցով։
Մասաչուսեթսի և Ռոդ Այլենդի դատավորների կողմից կայացված կրկնակի որոշումներ, որոնք կայացվել են միմյանցից րոպեների տարբերությամբ, կայացվել են երկու դատական գործընթացներում, որոնք նպատակ ունեն խոչընդոտել ԱՄՆ Գյուղդեպարտամենտին լրացուցիչ սննդային օգնության ծրագրի (SNAP) շրջանակներում նպաստների կասեցումը։
ԱՄՆ գյուղատնտեսության նախարարությունը հայտարարել է, որ բավարար միջոցներ չկան 42 միլիոն ցածր եկամուտ ունեցող ամերիկացիներին նպաստները լիարժեք վճարելու համար, քանի որ դրանք ամսական արժեն 8,5-ից 9 միլիարդ դոլար։ Թրամփի վարչակազմը պնդում է, որ գերատեսչությունը լիազորություն չունի նրանց աշխատավարձը վճարելու համար, քանի դեռ Կոնգրեսը չի ընդունել ծախսերի մասին օրինագիծ, որը կվերջ դնի հոկտեմբերի 1-ին սկսված կառավարության աշխատանքի դադարեցմանը (շաթդաունին)։
