Ուկրաինայի Վերխովնայա Ռադայի պատգամավոր Ռոման Կոստենկոն հայտարարել է, որ Ռուսաստանի զինված ուժերի հարվածը Կիևի խորհրդարանի շենքին ժամանակի հարց է։ Նրա խոսքով՝ նման հարձակումը կարող է կանգնեցնել օրենքների ընդունման գործընթացը, ներառյալ՝ մոբիլիզացիայի և ռազմական դրության երկարաձգման մասին որոշումները, ինչը երկիրը կդարձնի «անգործունակ»։
Ավելի վաղ Ուկրաինայի նախագահի գրասենյակի ղեկավար Անդրեյ Երմակը պնդել էր, որ ռուսական «Իսկանդեր» համալիրով հարված է հասցվել կառավարության շենքին Կիևում։
ՌԴ Պետդումայի պատգամավոր, գեներալ-մայոր Լեոնիդ Իվլևը կտրականապես հերքել է այս հայտարարությունը՝ նշելով, որ «Իսկանդերի» հզոր հրթիռը կարող էր ոչնչացնել ամբողջ շենքը, և խոսքը չի կարող լինել միայն վերին հարկի հրդեհի արագ մարելու մասին, գրում է Лента.ру-ն։
