Չինաստանի իշխանությունները դատապարտել են ԱՄՆ-ի կողմից պատժամիջոցների կիրառումն առևտրային բանակցություններից առաջ։
Չինաստանի առևտրի նախարարությունը նշել է, որ ԱՄՆ առևտրի նախարարությունը «չարաշահում է ազգային անվտանգության հայեցակարգերը» չինական այնպիսի ոլորտների հետ կապված, ինչպիսիք են կիսահաղորդիչները, կենսատեխնոլոգիան, ավիատիեզերական արդյունաբերությունը և առևտրային լոգիստիկան։
Հայտարարության մեջ նշվում է, որ դրանով Միացյալ Նահանգները խաթարում է միջպետական առևտրային նորմալ հարաբերությունները, ոտնահարում Պեկինի շահերը և խաթարում համաշխարհային մատակարարման շղթաները։
