Թուրքիայի արտգործնախարար Մևլութ Չավուշօղլուն Հայաստանի արտգործնախարար Արարատ Միրզոյանի հետ ճեպազրույցում ասել է, որ քննարկել են երկրների միջև հարաբերությունների կարգավորման համար անհրաժեշտ քայլերը։
«Մենք պայմանավորվեցինք արագացնել դրանք»,- ասել է Չավուշօղլուն։
«Հայ գործընկերը խոսել է նաև Ադրբեջանի հետ բանակցային գործընթացի մասին։ Եթե երեք երկրները վճռական քայլեր ձեռնարկեն, դա կնպաստի Հարավային Կովկասում խաղաղությանն ու կայունությանը, և դա կարևոր է նաև տնտեսական բարգավաճման համար»,- ասել է նա։
Չավուշօղլուն հայտարարել է նաև, որ Հայաստանի և Թուրքիայի սահմանին անցակետերի նախապատրաստումը շարունակվում է, վերանորոգվում են դեպի դրանք տանող ճանապարհներն ու կամուրջները։
