Չորս մարդ, այդ թվում՝ երեխա, վիրավորվել են Բելգորոդում բազմաբնակարան շենքի վրա Ուկրաինայի զինված ուժերի հարձակման հետևանքով։ Նրանք հոսպիտալացվել են։ Այս մասին մայիսի 15-ին հայտնել է շրջանի օպերատիվ շտաբը

Երեք տարեկան աղջնակին, որը բեկորային վնասվածքներ է ստացել ուսի, կրծքավանդակի և ոտքի շրջանում, շտապօգնության բրիգադը տեղափոխում է մանկական մարզային կլինիկական հիվանդանոց։ Կնոջը, որը ստացել է դեմքի և սրունքի բեկորային վնասվածքներ, տեղափոխում են մարզային կլինիկական հիվանդանոց, նշվում է հաղորդագրության մեջ։

Օպերշտաբի տեղեկությամբ՝ ևս երկու տուժածների՝ տղամարդու և կնոջ, որոնք ստացել են բեկորային վնասվածքներ, այժմ տեղափոխում են Բելգորոդի թիվ 2 քաղաքային հիվանդանոց։

Բացի այդ, պայթյունի հետևանքով հրդեհվել են մի քանի պատշգամբներ, սակայն մասնագետներն արդեն մարել են կրակը։ Շենքում վնասվել են նաև ճակատային հատվածն ու ապակեպատումը, փոխանցում է գերատեսչության Telegram ալիքը։