Ռուսաստանի հայերի միության Կեմերովոյի տարածաշրջանային մասնաճյուղի նախագահ Գեորգի Անտոնովը Vesti.am-ի հետ զրույցում ասաց, որ հրդեհից զոհերի և տուժածների մեջ հայեր և Հայաստանի քաղաքացիներ չկան:
«Ես նոր եմ խոսել Արտակարգ իրավիճակների նախարարության Կեմերովոյի մարզի ղեկավարի տեղակալի հետ: Նա հաստատեց, որ զոհերի և վիրավորների ցուցակում դեռևս հայերի անուններ չկան և հավանական է, որ չլինեն: Մեր կազմակերպությունն օգնություն է ցուցաբերում տուժածներին: Մենք ակտիվորեն աշխատում ենք, և նոր ինֆորմացիայի դեպքում անպայման կտեղեկացնենք»,-նշեց Անտոնովը:
Հիշեցնենք, որ ՀՀ ԱԳՆ մամուլի խոսնակ Տիգրան Բալայանը թվիթերյան իր էջում գրել էր, որ նախնական տվյալներով հրդեհից տուժածների մեջ հայեր կան:
Հավելենք, որ զոհերի թիվը հասել է 64-ի:
