Փոխարժեքի տատանումները Հայաստանի տնտեսության վրա երկակի ազդեցություն ունեն: Դրամի արժեվորումը հանգեցրեց երկրում արտահանման հետ կապված  որոշակի խնդիրների. արժեզրկումը  բնակչության եկամուտների կորստի կբերի: Փետրվարի 24-ին լրագրողների հետ հանդիպման ժամանակ այս մասին ասել է տնտեսագետ Կառլեն Խաչատրյանը:

-Վերջին երկու տարիներին հայկական դրամը դոլարի նկատմամբ արժեզրկվել է  20-25 տոկոսով, իսկ օրինակ Ռուսաստանի, Վրաստանի, Բելառուսի արժույթների նկատմամբ արժեզրկումը կրկնակի է եղել: Ադրբեջանում մանաթի արժեզրկումը հասել է 105 տոկոսի,-ասել է տնտեսագետը:

Խաչատրյանը հայկական արժույթի անկումը համեմատել է եվրոյի հետ՝ նշելով, որ վերջին երկու տարում եվրոն դոլարի նկատմամբ արժեզրկվել է 23 տոկոսով, ինչը գրեթե հավասար է դրամի արժեզրկմանը:

-Այս ցուցանիշները դիտարկելով՝ կարելի է հասկանալ, որ դրամը բավականաչափ ակտիվ է:  Կենտրոնական բանկը լողացող փոխարժեքի քաղաքականություն է վարում. դրամի արժեքը որոշվում է առաջարկի ու պահանջարկի հիմա վրա,-հավելել է նա:

Ներմուծման ծավալների կրճատմամբ պայմանավորված՝ դոլարի պահանջարկը նվազել է, սակայն առաջարկը մեծացել: Կրճատվել են նաև տրանսվերտները:

Vesi.am