Իրանի գերագույն առաջնորդը զգուշացրել է ԱՄՆ-ին, որ երկրների միջև հակամարտությունը կարող է վերաճել տարածաշրջանային պատերազմի, սակայն Թեհրանը պատրաստ է «ուժեղ պատասխան» տալ: Նա նաև կարծում է, որ երկրում բողոքի ցույցերը նպատակաուղղված էին պետական հեղաշրջմանը:
«Ամերիկացիները պետք է իմանան, որ եթե այս անգամ պատերազմ սկսեն, դա կլինի տարածաշրջանային պատերազմ», – ասել է նա։
Իրանում վերջերս տեղի ունեցած անկարգությունները, որոնք ներառում էին ջարդեր և հարձակումներ, նման էին հեղաշրջման փորձի, սակայն դրանք ճնշվեցին, հավելել է Խամենեին։ «Նրանց նպատակն էր ոչնչացնել երկրի կառավարման կարևոր կենտրոնները»։
Իրանի գերագույն առաջնորդը նաև ընդգծել է, որ Թեհրանը չի ցանկանում հարձակվել որևէ երկրի վրա, «սակայն Իրանի ժողովուրդը կոշտ պատասխան կտա յուրաքանչյուրին, ով ագահ է, ցանկանում է հարձակվել և վնաս պատճառել»։
