Թուրքիան մտադիր է շարունակել վճռական պայքարը ԻՊ-ի դեմ, շաբաթ օրը Այդըն նահանգում ունեցած ելույթում հայտարարել է նախագահ Ռեջեփ Թայիփ Էրդողանը։
«ԻՊ պատուհասի դեմ պայքարը գնալով վճռական է դառնում։ Ահաբեկչության բոլոր ձևերի արմատները վերացվում են», – ասել է Էրդողանը։
Նա նշել է, որ Թուրքիան, իր խոսքով, քաղում է իր ընտրած ուղու պտուղները՝ հետևողականորեն հաղթահարելով առկա անվտանգության սպառնալիքները։ Նա ընդգծել է, որ ահաբեկչական կառույցների, այդ թվում՝ Սիրիայի հյուսիսում անջատողական խմբավորումների վերացումը կնպաստի տարածաշրջանում իրավիճակի կայունացմանը։
Էրդողանը նաև նշել է, որ էթնիկ և կրոնական լարվածությունը, իր կարծիքով, միայն սրում է իրավիճակը և լրացուցիչ տառապանքներ է բերում տարածաշրջանին։ Նա հավելել է, որ թուրքական իշխանությունները մտադիր են շարունակել խաղաղությունն ու անվտանգությունն ամրապնդելու իրենց ջանքերը։
