Իշխանությունն ամեն ինչ անելու է, որ սահմանափակի Սամվել Կարապետյանի ազատությունը ևս 2 ամսով, այս մասին դատարանի բակում ասաց Նարեկ Կարապետյանը:
Նա նշեց, որ այս իշխանության ռազմավարությունը կտանի նրան, որ բանտերում ուղղակի տեղ չի լինելու։
«Շաբաթվա վերջում մեծ հանրահավաք և մեծ քայլերթ է լինելու, որ իշխանությունները տեսնեն՝ կալանավորումներով բարձրացած այս ալիքը չեն կարող քնեցնել»,-նշեց Կարապետյանը։
Հիշեցնենք, որ Հակակոռուպցիոն դատարանը քննում է Քննչական կոմիտեի միջնորդությունը՝ Սամվել Կարապետյանի կալանքը երկարաձգելու վերաբերյալ։
