Բյուրեղավանում խաղահրապարակի մետաղյա սղարանը գլխին ընկնելու հետևանքով հիվանդանոցում հայտնված 6-ամյա երեխան մահացել է։

Այս մասին գրել է ակտիվիստ Էդուարդ Հայրումյանը։

«6 օր հիվանդանոցում գտնվելուց հետո, 6 տարեկան այս հրաշք բալիկը գնաց հրեշտակների մոտ։

Երբ պետական պաշտոնյաների մասին ասում են՝ ցուցաբերել է հանցավոր անգործություն, ապա դա հենց նման դժբախտությունների մասին է։

Չգիտեմ, անհնար է պատկերացնել ծնողների ու հարազատների ցավը ու չեմ պատկերացնում, թե գոյություն ունի՞ արդյոք այնպիսի սփոփեցնող գոնե մեկ բառ, որ կարելի է ասել այդ մարդկանց»,-գրել է նա։