Հակամարտության կարգավորման բանակցություններում Ուկրաինայի պատվիրակությունը իրավասու է հուշագրի շրջանակներում Ռուսաստանի Դաշնության հետ քննարկել միայն հումանիտար հարցեր։ Այս մասին հունգարական Valasz Online հրատարակությանը տված հարցազրույցում հայտարարել է Ուկրաինայի նախագահ Վոլոդիմիր Զելենսկին։
«Մեր հուշագիրը բանակցությունների հիմքն է»,- ասել է ուկրաինացի քաղաքական գործիչը։
Զելենսկին նշել է, որ ուկրաինական բանակցային խումբը մանդատ ունի՝ քննարկելու Ռուսաստանի Դաշնության կողմից ենթադրաբար առևանգված ռազմագերիների և երեխաների ճակատագիրը, ինչպես նաև ժամանակավոր զինադադարի հարցերը։
«Սակայն բանակցողները մանդատ չունեն՝ քննարկելու Ուկրաինայի ինքնիշխանությունն ու տարածքային ամբողջականությունը»,-ընդգծել է Ուկրաինայի ղեկավարը՝ հավելելով, որ դա սահմանադրական հարց է։
