«Արբատ» գումարտակի հիմնադիր Արմեն Սարգսյանի սպանության գործի հետաքննության շրջանակում Հայաստանի Հանրապետության 2 քաղաքացիներ են ձերբակալվել։ Այս մասին տեղեկությունը հայտնում է RT–ն։

Ավելի վաղ ԶԼՄ-ները հայտնել էին, որ հետաքննության ընթացքում ուժայինները պարզել են ենթադրյալ կատարողի ինքնությունը, ով պայթյուն է կազմակերպել «Алые Паруса» բնակելի համալիրում։ Նա, իբր, 58-ամյա Պարույր Մ. - ն է: Մի քանի օր անց ձերբակալվել են նրա երկու ծանոթները, որոնց Մ.- ն, իբր, պայթյունից քիչ առաջ տեսել է ընդհանուր տոնի ժամանակ: Այս մասին RT-ին հայտնել է ձերբակալվածներից մեկի եղբայրը։ Երկու կասկածյալներն էլ երկար տարիներ մարզահանդեսային պարերով են զբաղվել Հայաստանում և Ռուսաստանում։ Նրանցից մեկը միջազգային կարգի պարող էր, իսկ մյուսը՝ Խիմկիում վարսահարդար։

Ավելի վաղ ԶԼՄ–ները հայտնել էին, որ պայթուցիկ սարքը գործարկել է Վաղարշապատում ծնված 58-ամյա Պարույր Մ. - ն: Ձերբակալվածները նրա հետ ծանոթացել են պայթյունից ոչ շատ առաջ՝ ընդհանուր ընկերոջ ծննդյան օրը:

RT–ն պարզել է, որ ձերբակալվածներն ու ենթադրյալ ահաբեկիչը ՌԴ-ում և Հայաստանում հետախուզման մեջ չեն եղել։

46-ամյա Արմեն Սարգսյանը հայտնի է նաև որպես Արմեն Գորլովսկի, Գորլովկայում (ԴԺՀ) զբաղվել է մարտիկների պատրաստմամբ:

Հետաքննությանը մոտ կանգնած RT-ի աղբյուրը հայտնել է, որ պայթյունի վայրում հայտնաբերվել է ենթադրյալ պայթեցնողի մարմինը: Նախնական զննության ժամանակ մասնագետները պարզել են, որ տղամարդը 45 տարեկան է, ունի կարճ մուգ մազեր, ճաղատ բծեր, շագանակագույն աչքեր և աչքի ընկնող քիթ։ Հատուկ նշաններից է ձախ սրունքի վրա սրի տեսքով գունատ դաջվածքը, հավելել է RT-ի զրուցակիցը։