Այս պահին գերլարված իրավիճակ է Կառավարության շենքի մոտ, քիչ առաջ բախում տեղի ունեցավ ոստիկանների և ցուցարարների միջև։

Նշենք, որ այսօր ՀՀ կառավարությունում նախատեսված է Վրաստանի վարչապետ Իրակլի Կոբախիձեի և ՀՀ վարչապետ Նիկոլ Փաշինյանի հանդիպումը, ինչին ընդառաջ համապատասխան մարմինները նախապես հորդորել էին քաղաքացիներին ազատել տարածքը, ինչին ի պատասխանը Վահագն Չախալյանը հայտնել էր, որ որևէ անօրինական գործողություն չի իրականացվում։

Դրանից հետո ոստիկանները ուժի կիրառմամբ բերման ենթարկեցին խաղաղ ակցիա իրականացնող քաղաքացիներին։