Ցեղասպանության կանխարգելման Լեմկինի ինստիտուտը հանդես է եկել հայտարարությամբ ՀՀ վարչապետ Նիկոլ Փաշինյանի սկանդալային հայտարարությունների վերաբերյալ, որոնցում վերջինս կասկածի տակ է դրել Հայոց ցեղասպանության փաստը:
«Վտանգելով մեղադրվել «դաշնակցական» կազմակերպության անդամ լինելու, Ռուսաստանից գումար ստանալու և որոշ հայերի, մասնավորապես, Զորյան ինստիտուտի կողմից «կեղծ լուրեր» տարածելու մեջ, որը անցյալ տարի պահանջում էր ներողություն խնդրել ՀՀ վարչապետ Նիկոլ Փաշինյանից այն ենթադրությունից հետո, որ նա զբաղվում է Հայոց ցեղասպանության գաղտնի ժխտմամբ, Լեմկինի ինստիտուտը կրկին ուշադրություն է հրավիրում Հայոց ցեղասպանության մասին վարչապետ Փաշինյանի վերջին հայտարարությունների վրա, որոնք ավելի ու ավելի են կրկնում թուրքական նարատիվները:
Հուսով ենք, որ ՀՀ վարչապետը կպարզաբանի իր հայտարարությունների էությունը և կփորձի կանխել իր հայտարարությունների հետագա համընկնումը Հայոց ցեղասպանությունը ժխտողների հայտարարությունների հետ: Մենք շարունակելու ենք պաշտպանել Հայաստանի ինքնիշխանության և հատկապես երկրի սահմանների միջազգային պաշտպանության ուժեղացումը», — ասվում է ինստիտուտի հայտարարության մեջ։
Աղբյուրը՝ alphanews.am
