Բագրատ Սրբազանն այսօր՝ սեպտեմբերի 2-ին, իր աջակիցների հետ այցելել է «Եռաբլուր» զինվորական պանթեոն:
Այստեղ զոհված զիծառայողներից մեկի մայրը՝ դիմելով Սրբազանին ասաց. «Մեր հրաշքը, մեր նշխարքը շան բերանում թողել են ներսից: Էդ սրիկաների համար Եռաբլուրի ողջ ժողովրդի անեծքը դրանց գլխին, անիծվեն դրանք: Չասեք՝ ձեզ մոտ անեծքից եմ խոսում, վրեժով լցված ենք: Կյանքս նվիրեն դրանց յոթը պորտին ոչնչացմանը:
Դրախտ Արցախը, հայության հպարտությունը ո՞նց ապականեցին էդ հոգեկան հիվանդները: Էս ի՞նչ արեցին մեզ հետ, հիմա մեր հայրենիքը Եռաբլուրն է»,-հուզված ասաց կինը:
Նա դիմելով Սրբազանին՝ հուզված ասաց. «Մենք հույս ենք փայփայում ձեզ հետ, ձեզ հետ կապված մեծ երազանքներ ունենք: Մենք պարտավոր ենք նախ նմերքին թշնամուն արմատախիլ անել, նոր արժանապատվորեն մնացած աշխատանքները կերտենք, լավ մնացեք: Մենք ձեզ հետ մեծ հույսեր ենք կապում, մեզ չլքեք»:
«Մենք էլ ուզում ենք մեր տղերքին հայրենիք ու երազ վերադարձնենք: Մեզ օրհնք,- արձագանքեց Սրբազանը՝ գրկելով կնոջը:
