Երևանի «Փյունիկի» գլխավոր մարզիչ Եղիշե Մելիքյանը Կոնֆերենցիաների լիգայի խմբային փուլի մեկնարկային տուրի հանդիպումը «Բազելի» դեմ որակում է բարդ:
«Հանդիպումը կարևոր է, և «Բազելն» էլ՝ դժվար հակառակորդ: Մենք խաղադաշտում պետք է շատ աշխատենք, եթե ուզում ենք հաջողության հասնել: «Բազելն» այժմ առաջատարներից մեկն է մեր խմբում: Վերլուծել ենք նրանց խաղը, և մենք ունենք մեր խաղային պլանը»,- նախախաղային հանդիպման ժամանակ ասել է Եղիշե Մելիքյանը:
Մարզչի խոսքով` «Բազելի» առավելությունը անհատական ֆուտբոլիստների որակներն են:
«Բազելն» ավելի ստեղծագործ ֆուտբոլ է ցուցադրում և շատ արագ է գործում: Մեզ թիմային խաղ է պետք և կենտրոնացվածություն»,-ասել է նա:
«Բազելի»-ի հետ հանդիպումը կկայանա սեպտեմբերի 8-ին և կմեկնարկի Երևանի ժամանակով 23:00-ին:
