Մաուլում լուրեր են
շրջանառվում, որ ՔՊ-ական պատգամավոր Անուշ Բեղլոյանը պատրաստվում է վայր դնել իր պատգամավորական
մանդատը։ Պատճառն է, որ նա ինքրուրույն գործունեություն է փորձում ծավալել՝ հանդիպումներ
է ունենում մարդկանց հետ, որոնք թիմի հետ համաձայնեցած
չեն և այլն։ Ասում են խոսակցությունը հասել է վարչապետին և նա որոշել է պատգամավորին
այնպիսի վայր ուղարկել, որտեղ ից վտանգ ներայացնել չի կարող ։
Vesti.am-ը տեղեկությունը ճշտելու համար կապ հաստեց ՔՊ պատգամավոր Անուշ Բեղլոյանի հետ և հարցրեց․ «Տիկի՛ն
Բեղլոյան, հնարավո՞ր է առաջիկայում վայր դնեք պատգամավորական մանդատը»։ Հարցը հանգիստ
լսելուց հետո պատգամավորն այո կամ ոչ պատասխանելու փոխարեն մի քանի վայրկյան մտածելուց
հետո ասաց․ «Հիմա չեմ կարող խոսել» և, նույնիսկ առանց ցտեսություն ասելու, անջատեց հեռախոսը։
«Հրապարակ»-ը գրում
է․ «Նիկոլ Փաշինյանը շարունակում է կասկածել ու ասպարեզից հեռացնել բոլոր նրանց, ովքեր
ինչ-որ չափով իրենցից վտանգ են ներկայացնում։ Նա անվերապահ նվիրվածություն եւ ստրուկի
հնազանդություն է պահանջում թիմակիցներից։ Մեկ կիքսը կամ կես-ինքնուրույնությունը կարող
է ճակատագրական լինել ցանկացածի համար։ Երեկ գրել էինք, որ իշխող ՔՊ-ում քննարկել են
պատգամավոր Անուշ Բեղլոյանին Տնտեսական մրցակցության հանձնաժողով գործուղելու հարցը։
Պարզվում է՝ որոշումը
կայացրել է Փաշինյանը, ԱԺ խմբակցության իր վստահելիների «նավոդկայով»։ Նրան զեկուցել
են, որ Բեղլոյանը կասկածելի կապերի մեջ է անհայտ շրջանակների հետ, մասնակցում է ինչ-ինչ
քննարկումների, որոնց չպետք է մասնակցի, եւ որոնք համաձայնեցված չեն ՔՊ «պոլիտբյուրոյի»
հետ, գրեթե չի շփվում իրենց հետ։ Մի խոսքով, համայնքը բողոքել է, եւ Փաշինյանը որոշել
է ազատվել Բեղլոյանից, բայց քանի որ ոչ մեկի հետ չեն ուզում թշնամանալ, որոշել են նրան
նոր՝ անշառ պաշտոն առաջարկել, որտեղ նրանից գրեթե ոչինչ կախված չէ։ Աշխատավարձ կստանա
ու վտանգ չի ներկայացնի թիմի համար։
Բանն այն է, որ ՔՊ
ղեկավարությունն է որոշում, թե որ պատգամավորն ուր գնա, ինչ խոսի, որ լրատվամիջոցին
հարցազրույց տա, որին մերժի։ Փաշինյանն արգելել է բոլոր վտանգավորներին հարցազրույցներ
տալ, հեռուստաեթերում երեւալ։ Դա հատկապես վերաբերում է նորեկներին եւ կանանց
գվարդիային։ Եվ ՔՊ-ական 71 հոգանոց խմբակցությունից միայն մի քանիսն ունեն լրագրողների
հետ շփվելու իրավունք։ Սրանով էր պայմանավորված նաեւ փաշինյանական նոուհաուն՝ ԱԺ լրագրողների
տեղաշարժը սահմանափակելը, որ չկարողանան մոտենալ ՔՊ-ական անմեղսունակ եւ քաղաքականապես
տհաս պատգամավորներին, ցանկացած թեմայով հարց տալ եւ նրանց մտավոր կարողություններն
ու պատրաստվածությունը հանրությանն ի ցույց դնել»։
