Ղազախստանի խորհրդարանի Սենատի նախագահ Դարիգա Նազարբաևան հանդիպել է Հայաստանի նախագահ Արմեն Սարգսյանի հետ, տեղեկացնում է «Կազինֆորմը»՝ հղում կատարելով խորհրդարանի վերին պալատի մամուլի ծառայությանը։
Հայաստանի նախագահը բարձր է գնահատել Ղազախստանի հաջողությունները, որոնք ձեռք են բերվել Ղազախստանի առաջին նախագահ Նուրսուլթան Նազարբաևի ղեկավարությամբ՝ ընդգծելով «Ելբասիի իմաստնությունը կարևոր որոշումների կայացման և իր ժողովրդին առաջ տանելու ձգտման գործում»։ Դ.Նազարբաևան շնորհակալություն է հայտնել Ա.Սարգսյանին Աստանայի տնտեսական համաժողովին ակտիվ մասնակցության և Եվրասիական մեդիա-ֆորումին մշտական աջակցության համար։ «Ձեր մասնակցությունը Եվրասիական մեդիա-ֆորումին մեծ անակնկալ կլինի բոլորի համար։ Դուք «մեդիա-ֆորումի» հայրն եք և շատ բան եք արել այն մեդիա-հանրույթի արևմտյան հատվածում առաջ մղելու համար»,- ասաց խորհրդարանի վերին պալատի ղեկավարը։
Հայաստանի նախագահը պատմել է Սենատի ղեկավարին երկրում ներքաղաքական իրավիճակի մասին՝ ընդգծելով, որ Հայաստանի ժողովուրդը բավականաչափ իմաստնություն ունի, որպեսզի հաղթահարի առկա խնդիրն ու դուրս գա զարգացման նոր ճանապարհ՝ առանց ցնցումների։ Սենատի նախագահը հույս է հայտնել, որ Հայաստանը կհաղթահարի տարանցման շրջանը և տեղեկացրել է Ա.Սարգսյանին երկրում կարևոր քաղաքական իրադարձությունների մասին՝ ընդգծելով, որ Ղազախստանի ժողովուրդը լավատեսությամբ է նայում ապագային։ «Գլխավոր խնդիրը խաղաղություն և կայունություն պահպանելն է և Ելբասիի ռազմավարական ուղեգիծը շարունակելը»,- ասել է Սենատի ղեկավարը։
Սենատի ղեկավարը հետաքրքրվել է Հայաստանի Ազգային ժողովի հետ հետագա համագործակցությամբ։ Դ.Նազարբաևայի կարծիքով՝ անհրաժեշտ է ակտիվորեն օգտագործել բարեկամության խորհրդարանական խմբերի պոտենցիալը փորձի փոխանակման համար օրինաստեղծ գործունեությունում, և կարծիքների փոխանակությունը երկկողմ հարաբերությունների ընդլայնման ճանապարհների մասին։ Կողմերը քննարկել են համագործակցության հեռանկարային ոլորտները։ Հայաստանի նախագահը նշել է, որ Երևանը պատրաստ է կիսել փորձը արհեստական ինտելեկտի զարգացման, IT տեխնոլոգիաների, սննդային անվտանգության ապահովման հարցերում։ Սենատի խոսնակը սփյուռքահայերին հրավիրել է ներդրումներ կատարել Ղազախստանում՝ օգտագործելով երրորդ սահմանակից երկրների՝ Չինաստանի, Ռուսաստանի և այլ երկրների հետ առևտրի առավելությունները։