Մեծ Բրիտանիայի թագուհին Եղիսաբեթ Երկրորդը վատառողջ է, ինչի պատճառով բաց կթողնի Սուրբ Պողոսի տաճարում կայանալիք տոնական պատարագը, հաղորդում է «Reuters»-ը՝ հղում անելով Բուքինգհեմյան պալատին, փոխանցում է «Gazeta.ru»-ն:
Թագավորական պալատի պաշտոնական հայտարարության մեջ ասվում է, որ Միքայել և Գեորգի Սրբերի 200-ամյակին նվիրված պատարագին թագուհուն կներկայացնի դուքս Քենթացին:
Մեծ Բրիտանիայի թագուհի Եղիսաբեթ Երկրորդը, որն ապրիլին նշում էր իր 92-րդ տարեդարձը, աշխարհի ամենատարեց միապետն է: Նրա կառավարման ժամկետը ռեկորդային է նաև Մեծ Բրիտանիայի պատմության մեջ:
Vesti.am
