«Ալաշկերտը» այսօր պայմանագիր է ստորագրել սերբ կենտրոնական պաշտպան Միլիան Յաբլանի հետ:
Այդ մասին հայտնում է երևանյան ակումբի պաշտոնական կայքը: Թե որքան ժամանակով է նախատեսված ֆուտբոլիստի հետ պայմանագիրը, չի հաղորդվում.
192 սմ հասակ ունեցող փորձառու ֆուտբոլիստը հանդես է եկել Սերբիայի «Նովի Սադ», «Ցելարևո», «Պրոլետեր», «Բորաց Չաչակ», Բելառուսի «Նեման», Ղազախստանի «Կայսար» և «Ակժայիկ», Լիտվայի «Սուդուվա» թիմերում: Միլան Յաբլանի նախորդ ակումբը Չեռնոգորիայի «Մլադոստն» էր:
«Առա՜ջ «Ալաշկերտ»,- պայմանագիր կնքելուց հետո հայերենով ասել է ֆուտբոլիստն ու քիչ հետո պատմել առաջին տպավորությունների մասին.
«Ուրախ եմ, որ պայմանագիր ստորագրեցի «Ալաշկերտի» հետ: Ամբողջ ուժերս կներդնեմ, որպեսզի օգնեմ թիմիս հաջողություների հասնել Չեմպիոնների լիգայում և կրկին դառնալ Հայաստանի չեմպիոն»,- նշել է սերբ ֆուտբոլիստը:
Հիշեցնենք՝ «Ալաշկերտը» այս օրերին ուսումնամարզական հավաք է անցկացնում Բելառուսի մայրաքաղաքում:
https://www.youtube.com/watch?v=qsMPqf-jHA4
