Դորտմունդի «Բորուսիայի» գլխավոր մարզիչ Թոմաս Տուխելը կհեռանա զբաղեցրած պաշտոնից: Այդ մասին հայտնում է «WAZ»-ը:

Աղբյուրի փոխանցմամբ, դա տեղի կունենա մայիսի 31-ին: Չնայած, որ թիմը նվաճեց Գերմանիայի Գավաթը և ՉԼ-ում հանդես գալու իրավունք ստացավ, Տուխելի և ակումբի գործադիր տնօրեն Հանս Յոահիմ Վատցկեի միջև հարաբերությունները շարունակում են լարված մնալ:

Տուխելի գործող պայմանագիրը գերմանական ակումբի հետ ուժի մեջ է մինչև 2018 թվականի ամառը, և պայմանագրի խզման դեպքում մարզիչը մոտ 2 մլն եվրո կստանա՝ որպես փոխհատուցում:

Հաղորդվում է նաև, որ «Բորուսիան» կապ է հաստատել «Հոֆենհայմի» գլխավոր մարզիչ Յուլիան Նագելսմանի հետ, բայց վերջինս մտադիր չէ հեռանալ իր ակումբից:

Vesti.am