Պատմամշակութային կրոնական հուշարձանների օտարման կամ սեփականության իրավունքի փոփոխության պարագայում պետք է համաձայնություն լինի Կառավարության հետ: Այս մասին ԱԺ գիտության, կրթության, մշակույթի և սպորտի հարցերի հանձնաժողովի նիստի ընթացքում ասել է ՔՊ խմբակցության պատգամավոր Թագուհի Ղազարյանը:
«Ինչպես հիշում եք, մի քանի շաբաթ առաջ այս հարցը քննարկել ենք, թե հանձնաժողովում, թե լիագումար նիստում, բոլոր կարծիքներն ու դիրքորոշումները հնչել են: Զարմանալի է, բայց ԱԺ-ի պատգամավորներից և խմբակցություններից առաջարկներ չեն եղել:
Առաջարկություն ստացել ենք Կառավարությունից, նախնական տեքստում գրված է, որ օտարման հետ կապված համաձայնության կարգ է մշակվում, առաջարկվում է օտարման տրամադրման և մերժման կարգը»,- նշել է նա:
Ղազարյանը շեշտեց՝ խոսքը այն հուշարձանների մասին է, որոնք ներառված են հուշարձանների պահպանության ցանկի մեջ:
