2025 թվականի դեկտեմբերի 17-ին ԵԱՏՄ Գործարար խորհուրդն ընդունել է «Եվրասիական տարածքում բիզնես ինտեգրմանը նոր ազդակ հաղորդելու մասին» Մինսկի հռչակագիրը։
Փաստաթղթում արտացոլված է Եվրասիական գործարար համայնքի համախմբված դիրքորոշումը, որը ներկայացվել է բոլոր անդամ պետությունների առաջատար գործարար միավորումների, այդ թվում՝ Ռուսաստանի արդյունաբերողների և գործարարների միության կողմից:
Հռչակագրի հիմնական շեշտադրումները․
Բիզնեսի՝ որպես ինտեգրացիոն գործընթացների առանցքային շարժիչի դերի և ընդհանուր տնտեսական տարածքի զարգացման ուղղությամբ ջանքերի մեծացման պատրաստակամության հաստատում:
Եվրասիական տնտեսական հանձնաժողովի (ԵՏՀ) հետ փոխգործակցության բարձր գնահատականը և համագործակցությունը խորացնելու մտադրությունը, ներառյալ բիզնեսի ավելի ակտիվ մասնակցությունը ինտեգրացիոն օրակարգի մշակմանը:
Համագործակցության խորացման գործնական ուղղությունների սահմանում. արդյունաբերական և ագրոարդյունաբերական ինտեգրում, ներդրումային միջավայրի բարելավում, թվային օրակարգի իրականացում, տրանսպորտային ենթակառուցվածքների զարգացում:
