Դեկտեմբերի 8-ին Զելենսկին մեկնելու է Լոնդոն՝ եվրոպացի առաջնորդների հետ հանդիպելու համար, գրում են ուկրաինական լրատվամիջոցները:

Նրա հետ հանդիպելու են Մեծ Բրիտանիայի վարչապետ Քեյր Սթարմերը, ինչպես նաև Գերմանիայի կանցլեր Ֆրիդրիխ Մերցը և Ֆրանսիայի նախագահ Էմանուել Մակրոնը։

Բրիտանական կառավարությունը հայտարարել է, որ Սթարմերը կօգտագործի հանդիպումը՝ վերահաստատելու Մեծ Բրիտանիայի աջակցությունն Ուկրաինային։

Առաջնորդները կքննարկեն նաև ամերիկացի և ուկրաինացի պաշտոնյաների միջև ընթացող բանակցությունները, որոնք ուղղված են Ուկրաինայի հետպատերազմյան անվտանգությունն ապահովելու վերաբերյալ համաձայնության հասնելուն։