Թբիլիսին աջակցում է Երևանի և Բաքվի միջև խաղաղությանը՝ հայտարարել է Վրաստանի արտաքին գործերի նախարար Մակա Բոճորիշվիլին ԵԱՀԿ նախարարական խորհրդի 32-րդ նիստում:

Նա ողջունել է ԱՄՆ-ի միջնորդությամբ Վաշինգտոնում Հայաստանի և Ադրբեջանի միջև խաղաղության համաձայնագրի նախաստորագրումը: Բոճորիշվիլու խոսքով՝ այդ պատմական համաձայնագիրն ամուր հիմք է ստեղծում Հարավային Կովկասում երկարաժամկետ կայունության և զարգացման համար։