UFC-ի նախկին մարտիկ և ռեկորդակիր Մեթ Բրաունը քննադատել է Ջասթին Գեյջիի և Փեդի Փիմբլեթի միջև սպասվող թեթև քաշային կարգի ժամանակավոր գոտու համար մենամարտը։ Այս մասին հայտնում է armsport.am-ը։
«Իրավիճակը տխուր է, և այն ինձ դուր չի գալիս։ Ցավոք, սա UFC-ի՝ գործնականում մենաշնորհ լինելու հետևանք է։ Ես Արմանի համար ավելի շատ եմ ցավում, քան որևէ մեկի։ Նա մեկ սխալ թույլ տվեց, բայց մնացած ամեն ինչ ճիշտ արեց։ Նա վնասվածք ստացավ, և ես դա նրա կողմից լուրջ սխալ չեմ համարում։ Բայց հիմա դա իսկապես վնասում է նրան։ Բոլորը կարծում են, որ Արմանը արժանի էր գոտու համար պայքարելուն։ Ի՞նչ իմաստ ունի վարկանիշը, եթե այն չի գործում։ Դրանք կարելի է հանել և հավակնորդներ նշանակել ըստ սոցիալական ցանցերում հետևորդների թվի։
Ես չեմ լսել, որ Արմանը որևէ հատուկ վրդովմունք արտահայտեր այս իրավիճակի վերաբերյալ։ Բայց եթե ես նրա տեղը լինեի, կզայրանայի։ Նա կարող է գոտու համար չմենամարտել մինչև 2027 թվականը։ Սա մղձավանջ է», — ասել է Բրաունը իր փոդքասթում։
