Բրազիլիայի նախկին նախագահ Ժաիր Բոլսոնարուն ձերբակալվել է։ Այդ մասին Reuters-ին է հայտնել նրա փաստաբան Սելսու Վիլարդին։
Սա վերջ դրեց նրա բազմամսյա տնային կալանքին։ Փաստաբանը չի նշել Բոլսոնարուի ձերբակալության պատճառը։
Բրազիլիայի նախկին նախագահը սեպտեմբերին դատապարտվել էր 27 տարի և երեք ամիս ազատազրկման՝ պետական հեղաշրջման կազմակերպման համար, որի նպատակն էր իշխանության մնալ 2022 թվականի ընտրություններում ձախակողմյան նախագահ Լուիս Ինասիու Լուլա դա Սիլվային պարտվելուց հետո։
Ավելի քան 100 օր Բոլսոնարուն գտնվում էր խիստ տնային կալանքի տակ՝ մեկ այլ գործի շրջանակում պահման պայմանների խախտման համար, որը կապված էր ԱՄՆ-ի ենթադրյալ միջամտության հետ՝ նրա դեմ քրեական գործը դադարեցնելու նպատակով։
ԱՄՆ նախագահ Դոնալդ Թրամփը, որը Բոլսոնարուի հետ ընկերական կապեր ուներ իրենց իշխանության տարիներին, այս գործը անվանել է «վհուկների որս»։ Նա սահմանել էր պատժամիջոցներ նրա նկատմամբ վերահսկողություն իրականացնող դատական մարմնի դեմ, ինչպես նաև 50 տոկոս մաքսատուրք ԱՄՆ-ից մի շարք բրազիլական ապրանքների ներմուծման վրա, որը սկսել էր նվազեցնել այս ամսին։
