Այսօր՝ նոյեմբերի 5-ին, ավտովթար է տեղի ունեցել Երևանում։ Ժամը 13։30-ի սահմաններում Տիչինա փողոցում՝ «Բոռա» ռեստորանային համալիրի դիմաց, բախվել են Երևանի բնակիչ 38-ամյա Վիգեն Թ․-ի վարած «Opel» մակնիշի, Շիրակի մարզի բնակիչ 38-ամյա Կարեն Գ․-ի վարած «Mitsubishi» մակնիշի և Երևանի բնակիչ 65-ամյա Մարգար Օ․-ի վարած «Toyota Rav 4» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով «Opel»-ի վարորդ Վիգեն Թ․-ն տեղափոխվել է «Աստղիկ» բժշկական կենտրոն, իսկ 8-ամյա Է․ Ս․-ն՝ «Սուրբ Աստվածամայր» բժշկական կենտրոն։

Վթարի փաստով քննչական բաժնում նախաձեռնվել է քրեական վարույթ։