Վրաստանի ներքին գործերի նախարարության Աջարիայի ոստիկանության վարչության աշխատակիցների կողմից իրականացված հետախուզական և քննչական գործողությունների արդյունքում ձերբակալվել է Թուրքիայի հինգ քաղաքացի։
«Արմենպրես»-ի փոխանցմամբ՝ այս մասին հայտնում են վրացական լրատվամիջոցները՝ հղում անելով Վրաստանի համապատասխան գերատեսչությանը։
Նշվում է, որ ձերբակալվածները մեղադրվում են տարբեր աստիճանի ծանրության հանցանքների մեջ՝ մասնավորապես, դիտավորյալ ծանր մարմնական վնասվածք հասցնելու և խուլիգանության մեջ։
Հաղորդվում է, որ համապատասխան դատավարական և քննչական գործողությունները շարունակվում են։
