Սիրիայի արտգործնախարար Ասաադ ալ-Շիբանին հայտարարել է, որ Դամասկոսը վճռական է տրամադրված «Իսլամական պետություն» ահաբեկչական խմբավորման դեմ պայքարելու հարցում։
«Արմենպրես»-ի հաղորդմամբ՝ այս մասին հայտնում է «ՌԻԱ Նովոստի»-ն՝ մեջբերելով Սիրիայի ԱԳ նախարարի հայտարարությունն՝ արված Թուրքիայի ԱԳ նախարար Հաքան Ֆիդանի հետ համատեղ մամուլի ասուլիսում։
«Սիրիայի իշխանությունները վճռական են միջազգային հանրության աջակցությամբ պայքարելու «Իսլամական պետություն» ահաբեկչական խմբավորման դեմ»,- ընդգծել է Սիրիայի ԱԳ նախարարը։
