Գեղարքունիքի մարզի Ծովագյուղ բնակավայրում գործող «Սեմոյի մոտ» ռեստորանը շտկել է խախտումները, ինչի արդյունքում Բնապահպանության և ընդերքի տեսչական մարմինը դադարեցրել է ռեստորանի աշխատանքի կասեցումը: Այս մասին ասված է Տեսչական մարմնի տարածած հաղորդագրության մեջ.
«Բնապահպանության և ընդերքի տեսչական մարմնի աշխատակիցները նախկինում կասեցրել էին «ԳԵՎՈՐԳՅԱՆԻ ՔՈԼԵԹ» ՍՊԸ-ին պատկանող, Գեղարքունիքի մարզի Ծովագյուղ բնակավայրում գործող «Սեմոյի մոտ» ռեստորանի կողմից՝ առանց ջրօգտագործման թույլտվության կատարվող ապօրինի ջրառը։
Տնտեսավարողը լիազոր մարմնից ձեռք է բերել համապատասխան թույլտվություն։
Կայացվել է կասեցումը դադարեցնելու մասին որոշում»:
