Ավելի քան 200 ուղևոր է տուգանվել Երևանում հանրային տրանսպորտի ծառայությունների վճարման կարգը խախտելու համար, մամուլի ասուլիսին հայտնեց Երևանի քաղաքապետ Տիգրան Ավինյանը։

Նրա խոսքով՝ այս վարչարարությունը հնարավորություն է տվել վերականգնել ֆինանսական ներհոսքը, որն ուղղվում է նույն այս տրոլեյբուսների, ավտոբուսների գնմանը և այս ենթակառուցվածքի պահպանմանը:

Ավինյանը նաև նշեց, որ օգոստոս ամսին վալիդացիաների թվի կտրուկ աճ է տեղի ունեցել` մոտ 15-18% և մինչ այս պահը շարունակաբար աճում են այդ թվերը։