Ռուսաստանը կարոՌուսական «Ռոսսելխոզնադզոր»-ը մտադիր է հունիսի 16-ից ժամանակավոր արգելք սահմանել Հայաստանից Ռուսաստան ծաղիկների ներմուծման վրա։
Որոշումը պայմանավորված է Հայաստանից մատակարարվող ծաղիկների մեջ բարձր բուսասանիտարական ռիսկ ունեցող կարանտինային վնասատուների բազմակի հայտնաբերմամբ։
«Ռոսսելխոզնադզոր»-ի տվյալներով՝ 2025 թվականին Հայաստանից ծաղիկների ներմուծումը կտրուկ աճել է՝ 52 միլիոն հատ, ինչը 49.7%-ով ավելի է 2024 թվականի նույն ժամանակահատվածի համեմատ։
Նշվում է, որ հայտնաբերվել է արևմտյան ծաղկային թրիպսներով (Frankliniella occidentalis Pergande) ծաղիկների վարակի 13 դեպք։
«Բացի այդ, բազմիցս գրանցվել են կարանտինային օբյեկտների հայտնաբերման դեպքեր այլ տեսակի բուսական արտադրանքներում, ինչը վկայում է Հայաստանի կողմից արտահանվող ապրանքների նկատմամբ վերահսկողության անարդյունավետ համակարգի մասին»,- հաղորդել է «Ռոսսելխոզնադզոր»-ը։
