Իրանի արտաքին գործերի նախարար Հոսեյն Ամիր Աբդոլահիանը հայտարարել է, որ դիվանագետ Ասադոլա Ասադին, որն ապօրինաբար ձերբակալվել էր Գերմանիայում եւ Բելգիայում, ազատ է արձակվել, տեղեկացրել է Mehr-ը։
«Ասադոլա Ասադին՝ մեր երկրի անմեղ դիվանագետը, որն ապօրինաբար ձերբակալվել էր Գերմանիայում եւ Բելգիայում եւ ի հեճուկս միջազգային իրավունքի, ավելի քան երկու տարի, այժմ հայրենիք ճանապարհին է եւ շուտով կմտնի մեր սիրելի Իրան»,- գրել է Ամիր Աբդոլահիանը Թվիթերում։
Իրանի արտաքին գործերի նախարարը շնորհակալություն է հայտնել Օմանի սուլթանությանն այս ուղղությամբ ունեցած դրական ջանքերի համար։
2021թ. փետրվարին բելգիական դատարանը Ասադիին դատապարտել էր 20 տարվա բանտարկության՝ նրան մեղադրելով Մոջահեդ-ի-Հալք կազմակերպության (MKO) դեմ ենթադրյալ հարձակման մեջ։
Իրանի արտաքին գործերի նախարարությունն այն ժամանակ դատապարտել էր նրան ապօրինաբար կալանավորելը՝ հայտարարելով, որ դա Ասադիի դիվանագիտական իմունիտետի խախտում է եւ այն բանի արդյունք, որ Բելգիան ընկել է MKO-ի ազդեցության տակ։
