Դավիթ Գալստյանը («Պատրոն» Դավոն) կալանաորվել է։ Տեղեկությունը Vesti.am-ի հետ զրույցում հաստատեց Գալստյանի պաշտպան Արմեն Անդրիկյանը։ Բանն այն է, որ Գալստայնը կալանավորվել է ոչ թե անորակ հռթիռների գործով, այլ՝ մեկ ուրիշ։ Թե ի՞նչ քրեական վարույթի մասին է խոսքը և վարույթի հետ կապված որևէ այլ մանրամասներ պաշտպան Անդրիկյանը չհայտնեց՝ նշելով, որր օգտվում է տեղեկություն չտալու իր իրավունքից։

Նկատենք, որ անորակ հռթիռների գործով Գալստանին մեղադրանք է առաջադրված, սակայն նախորդ տարվա հունվար ամսից ազատության մեջ է 50 մլն դրամ գրավի դիմաց։ Դատախազությունից հայտնել էին, որ մեղադրողները նրա ազատ արձակվելուն դեմ չեն, քանի որ պատրաստակամ է և արդեն իսկ քայլեր է ձեռնարկում պետությանը 2 մլրդ դրամից ավելի հասցրած վնասի վերականգման ուղղությամբ։

Vesti.am-ին հայտի դարձավ, որ գործը քննվում է ԱԱԾ-ում, սակայն վարույթի մասին տեղեկություններ ստանալ չհաջողվեց, քանի որ ԱԱԾ լրատվական վարչությունը, հավատարիմ մնալով իր որդեգրած քաղաքականությանը, անպատասխան թողեց լրատվականի զանգերը։

Այս գործը այլ բովանդակություն ունի, բայց կապված է ՊՆ գործունեության հետ։ Հատկանշական է, որ փետրվարի 7-ին Դատախազությունը ՊՆ նախկին նախարար Սերյան Օհանյանի նկատմամբ քրեական հետապնդում հարուցելու միջնորդություն է ներկայացրել ԱԺ, որին էլ, ամենայն հավանականությամբ, հաջորդելու է կալանավորման համար դիմելը։ Իհարկե, որևէ մեկը կասկած անգամ չունի, որ ԱԺ իշխող խմբակցությունը կողմ է քվերակելու։ Չի բացառվում, որ Դավիթ Գալստյանի կալանավորմամբ հող է նախապատրաստվում Սերյան Օհանյանի կալանավորման համար։ Սցենարը, մի տեսակ, նման է Դավիթ Տոնոյանի գործով սցենարին՝ կալանավորվեց «Պատրոն» Դավոն, հետո՝ Տոնոյանը, իսկ հիմա նա ազատության մեջ է, իսկ նախկին նախարարը կալանավորված է։ Դա բացատրում է նաև պաշտպան Անդրանիկյանի լռելը՝ չեն խուսում, ոչինչ չեն ասում և, մի քանի ամիս անց, Գալստյանը կրկին ազատ է արձակվում։