ՀՀ զինված ուժերի գլխավոր շտաբը նոր պետ կունենա միայն ՊՆ–ում նախատեսված կառուցվածքային փոփոխություններից հետո։ Այս մասին Հանրային հեռուստաընկերությանը տված հարցազրույցում այսօր հայտարարել է ՀՀ պաշտպանության նախարար Սուրեն Պապիկյանը։

Նրա խոսքերով՝ ունենալու ենք նոր մոդել, որով ԳՇ պետը լինելու է պաշտպանության նախարարի առաջին տեղակալը։ Բացի այդ՝ Զինված ուժերը զբաղվելու է միայն երկրի պաշտպանությամբ, մարտական պատրաստությամբ։ «Գնում, սպասարկում, ապահովում` այդ ամենով պիտի զբաղվեն ՊՆ այլ վարչություններ»,– նշել է Պապիկյանը։

Նախարարի փոխանցմամբ՝ ՊՆ-ում կառուցվածքային փոփոխությունների նոր օրենսդրական փաթեթը շրջանառվել է կառավարությունում երկար ու առաջիկայում կներկայացվի ԱԺ։

Հիշեցնենք, որ ՀՀ ԶՈՒ ԳՇ-ն պետ չունի 2022թ–ի փետրվարի 24-ին, երբ Արտակ Դավթյանն արդեն երկրորդ անգամ ազատվեց ԶՈւ ԳՇ պետի պաշտոնից։ Վերջինս ներկայումս որպես մեղադրյալ անցնում է ՀՀ պաշտպանության նախկն նախարար Դավիթ Տոնոյանի գործով եւ մեղադրվում է ՀՀ քրեական օրենսգրքի 375-րդ հոդվածի 3-րդ մասով։