Վրաստանում ապրիլի 27-ից սկսվում է կորոնավիրուսի պատճառով մտցված սահմանափակումների աստիճանական չեղարկումը: Այս մասին տեղեկացնում է pia.ge կայքը:

Այսօրվանից Վրաստանում թույլատրվում է թեթև մարդատար մեքենաների երթևեկությունը: Տաքսիները կվերսկսեն իրենց աշխատանքը: Աշխատանքը կսկսեն նաև բաց գյուղատնտեսական շուկաները:

Մեքենաներով ճանապարհորդել և գյուղատնտեսական գործունեություն ծավալել կթույլատրվի միայն որոշակի կանոններին հետևելու պայմաններով:

Տնտեսական գործունեության սահմանափակումները Վրաստանում կվերացվեն 6 փուլով: Փուլերի միջև միջին ժամանակահատվածը երկու շաբաթ կլինի: