Վարչապետը Նարինե Խաչատուրյանին կրթության, գիտության, մշակույթի և սպորտի նախարարի տեղակալ նշանակելու մասին որոշում է ստորագրել: Այս մասին հայտնում են վարչապետի աշպատակազմից:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝
Նարինե Խաչատուրյանին նշանակել կրթության, գիտության, մշակույթի և սպորտի նախարարի տեղակալ»,-ասված է որոշման տեքստում:
Հիշեցնենք, որ Նարինե Խաչատուրյանը (Թուխիկյանը) ՀՀ ԱԺ 7-րդ գումարման ԱԺ պատգամավոր էր ընտրվել «Իմ քայլը» դաշինքից:
Պատգամավորական լիազորությունները դադարել են 2019 թ. հունիսի 7-ին:
2007-2019 թվականներին նա եղել է Հովհաննես Թումանյանի թանգարանի տնօրենը:
