Ես չեմ կարող անընդհատ ստվերային քաղաքականություն վարել, ասել է ԵՄ արտաքին գործերի ու անվտանգության քաղաքականության հարցերով բարձր ներկայացուցիչ Կայա Կալասը՝ պատասխանելով իսրայելցի պաշտոնյաներին։
«Ես չեմ գնա այդ ճանապարհով և չեմ մեկնաբանի փակ դռների ետևում արվածը, ասվածը կամ չասվածը»,-նշել է նա։
Գիդեոն Սաարը ավելի վաղ հայտնել էր, որ որպես Իսրայելի ԱԳ նախարար՝ ինքը այլ ընտրություն չունի, քան խզել բոլոր շփումները Կալասի հետ, քանի դեռ նա հետ չի վերցրել աշխարհի միակ հրեական պետության հասցեին ուղղված արյունոտ զրպարտանքը։
Նախարարը նշել է, որ Մեքսիկա կատարած վերջին այցի ժամանակ Կայա Կալասը Իսրայելում տիրող իրավիճակը և պաղեստինցիների նկատմամբ նրա գործողությունները համեմատել է Հարավային Աֆրիկայում ապարտհեյդի ռեժիմի հետ՝ ռասայական խտրականության քաղաքականության, որն այնտեղ իրականացվել է 1948-ից 1994 թվականներին։
