Կառավարության նիստից առաջ, լրագրողների հետ զրույցում Գյուղատնտեսության նախարար Արթուր Խաչատրյանն անդրադարձավ երեկ Արմավիրի մարզում տեղի ունեցած կարկտահարությանն ու առաջացած վնասներին:
«Պետք է գնահատենք վնասները, տեսնենք որքան են պետության հնարավորությունները և մասնակի փոխհատուցման ավելի ճիշտ մեխանիզմներ մշակենք»,- ասաց նախարարը՝ նշելով, որ Արմավիրի մարզ խումբ են ուղղարկել, որպեսզի գնահատեն հասցված վնասների չափերը:
Խաչատրյանը նշեց, որ Արմավիրում վնասվել են ծիրանի և խախողի դաշտերը, իսկ Կոթիում՝ դաշտավայրերը:
Անդրադառնալով կաթի մթերման գնից բողոքող գյուղացիների խնդրին՝ Խաչատրյանն ասաց, որ հանդիպում է եղել կաթնամթերք արտադրողների և մթերողների հետ, վարչապետի մոտ խորհրդակցություն է եղել, ստեղծվել է միջգերատեսչական հանձնաժողով:
Այն հարցին, թե երկրում որքան պետք է լինի կաթի մթերման գինը, նախարարը նշեց, որ դա որոշում է շուկան:
https://www.youtube.com/watch?v=ryXwYt_pVBA&feature=youtu.beVesti.am
